Gadiidka xamuulka ee ka baxa muqdisho oo ku xaniban duleedka Afgooye

by admin | Wednesday, Nov 14, 2018 | 135 Shared

Gawaarida xamuulka ee shixnadaha kala duwan ee ganacsiga ka qaada caasimada Soomaaliya ee Muqdisho ayaa ku xaniban duleedka degmada Afgooye  ee gobolka Shabeelada Hoose, gawaaridaan ayaa shixnadaha ganacsi ee ay sidaan intooda badani waxay ku wajahan yihiin Gobolada Bay, Bakool, Gedo illaa xuduudka Itoobiya.

Sida ay baahisay warbaahinta gudaha sababta ay gawaaridaan u xaniban yihiin ayaa lagu sheegay in gaadiidka lagu soo rogay canshuur aad u badan oo ay sheegeen in aysan awoodin bixintooda, Guddoomiye ku xigeenka Gobolka Shabeellaha Hoose Cabdi fataax Xaaji Cabdulle ayaa sheegay in gaadiidkan ay ku xaniban yihiin inta u dhaxeysa Afgooye iyo Wanlaweyn, tira gawaaridaan ayuuna ku sheegay in qiyaas ahaan ay gaarayaan 200 oo gaari.

Ciidamada dawlada ayaa la sheegay in gadiidlayda ay ka codsadeen in ay bixiyaan lacag ka badan midi ay bixin jireen, sababta ayaana lagu sheegay in mudo aysan ciidanku qaadan wax mushahar ah.

 

 

 

 

Like it? Share it!

Leave A Response